Metirsiy\u00ean Pi\u015ft\u00ee \u00car\u00ee\u015f\u00ean HT\u015e \u00fb \u015eer\u00ea Li Bakur \u00fb Rojhilat\u00ea Suriy\u00ea li \u015eengal\u00ea Fikar\u00ean Ferman\u00ean N\u00fb \u00fb Rew\u015fa Jinan<\/p>\n
Tarihinde\u00a0Feb 19, 2026<\/strong><\/p>\n Akademiya Jineoloj\u00ee ya \u015eengal\u2019\u00ea<\/p>\n \u015eengal \u00fb gel\u00ea Ez\u00eed\u00ee ne gel\u00ea Ez\u00eed\u00ee ya beriya 2014\u2019ane. Di nava 12 sala derbas b\u00fby\u00ee de, gelek p\u00ea\u015fketin \u00fb guher\u00een, di v\u00ea erdn\u00eegariy\u00ea de hatin jiyan kirin. Fermana 74\u2019an bi xwe re, li gel \u00ea\u015f\u00ean mezin, r\u00fbh \u00fb v\u00eenek\u00ee mezin ya berxwedan\u00ea j\u00ee ava kir. Parastina cewher\u00ee, xweparastin, xwe bi xwe r\u00eavebirin \u00fb her wiha di gelek mijaran de, gel\u00ea Ez\u00eed\u00ee 12 salin r\u00fbxm\u00ea hem\u00fb b\u00ea derfetiyan li berxwe dide. Di gi\u015ft\u00ee civak\u00ea de n\u00ear\u00eena hevpar ya derdikeve p\u00ea\u015f ewe ku; \u2018\u2019Ez\u00eed\u00ee ne Ez\u00eediy\u00ean ber\u00ea ne, ew\u00ea xwe bipar\u00eazin\u2019\u2019 Ew li beramber\u00ee rew\u015f\u00ean ku derdikeve hol\u00ea helwesteke.<\/p>\n Heman sekn di jin\u00ean Ez\u00eed\u00ee de j\u00ee heye. Dib\u00eatiya di \u015ferek\u00ee n\u00fb de, d\u00ea weke ber\u00ea ji welat\u00ea xwe d\u00fbrketin an j\u00ee xwe spartina h\u00eazek\u00ee derve w\u00eadetir; helwesta xweparastin \u00fb bi h\u00eaza xwey\u00ea cewher\u00ee p\u00ea\u015feroja xwe parastin roj bi roj z\u00eadetir dibe. L\u00ea ew rast\u00ee, sekn \u00fb helwest, metirsiya komk\u00fbj\u00ee \u00fb \u015fer\u00ean n\u00fb ji hol\u00ea ranake.<\/p>\n Civaka Ez\u00eed\u00ee r\u00fbxm\u00ea teko\u015f\u00eena salan j\u00ee, di nava makezagona Iraq\u00ea de, cih\u00ea xwe bi awayek\u00ee ferm\u00ee nagire. Mekan\u00eezmay\u00ean parastin\u00ea, r\u00eaveberiy\u00ea, aboriy\u00ea ku gel\u00ea Ez\u00eed\u00ee bi derfet\u00ean xwe ava kiriye, bi awayek\u00ee ferm\u00ee nay\u00ean qeb\u00fbl kirin. Ew j\u00ee bixwe re m\u00eesogeriyek\u00ee nayne, di v\u00ea p\u00eavajoya xeternak de, ji bo r\u00ea li ber jenos\u00eed\u00ean n\u00fb venebin, gava bingeh\u00een ya p\u00eawiste were av\u00eatin, heb\u00fbna gel\u00ea Ez\u00eed\u00ee, saz\u00ee \u00fb dezgeh\u00ean v\u00ea, mekan\u00eezmay\u00ean w\u00ea ya parastin\u00ea bi awayek\u00ee ferm\u00ee di zagon\u00ean Iraq\u2019\u00ea de naskirine.<\/p>\n Ji ber ew rew\u015fana; pi\u015ft\u00ee \u015fer\u00ea daw\u00ee; li \u015eengal\u2019\u00ea der\u00fbniya ferman\u00ea careke din r\u00fb daye. Li gel biryara berxwedan \u00fb xweparastin\u00ea de, der\u00fbniya ku heman komk\u00fbj\u00ee careke din d\u00fbbare bibin pir z\u00eade ye. Gelek jin\u00ean ku di v\u00ea p\u00eavajoy\u00ea de n\u00ear\u00een\u00ean xwe t\u00eenin ziman, di heman rastiy\u00ea de dibin yek; \u2018\u2019Dema QSD-YPG-YPJ li ber s\u00eenor b\u00fbn, me bi \u015fev rehet xew dikir, l\u00ea pi\u015ft\u00ee \u015fer em heta sibeh\u00ea ji fikaran nikarin xew bikin\u2019\u2019 an j\u00ee n\u00ear\u00een\u00ean \u2018\u2019Ew DA\u00ce\u015e\u2019iy\u00ean ku an\u00eene Iraq\u2019\u00ea, ew\u00ea serbest berdin \u00fb careke din ber\u00ea wan bidin me\u2019\u2019 pir z\u00eadene. Baweriya jinan ne bi dewlet\u00ea, ne j\u00ee bi h\u00eaz\u00ean navnetew\u00ee t\u00ea. Ji ber ku ji d\u00eerok\u00ea heta niha heman rew\u015f\u00ea d\u00fbbare d\u00fbbare jiyan kirine, berxwe j\u00ee dane l\u00ea ji ferman\u00ean mezin derbas b\u00fbne. H\u00eaz\u00ean ewlekar\u00ee \u00fb parastina herem\u00ea YB\u015e-YJ\u015e \u00fb Asay\u00ee\u015fa Ez\u00eedxan\u00ea ku pi\u015ft\u00ee Fermana 74\u2019an hatine avakirin, weke h\u00eaza esas\u00ee ya parastina herem\u00ea t\u00ea d\u00eetin l\u00ea \u00eero ew h\u00eaz ji bo werin belavkirin \u00fb b\u00ea bandor kirin, li ser civak\u00ea zextek\u00ee mezin t\u00ea me\u015fandin. Plansaziya h\u00eaz\u00ean xwecih\u00ee ya \u015eengal\u2019\u00ea ji hol\u00ea rakirin \u00fb ewlehiya herem\u00ea d\u00eesa spartina h\u00eaz\u00ean derve heye ku ji d\u00eerok\u00ea heta niha pir bi zelal\u00ee hate d\u00eetin ku, ew r\u00eabaz ji bil\u00ee ferman\u00ean n\u00fb, ti \u00e7areser\u00ee bixwe re nay\u00eene.<\/p>\n Di v\u00ea p\u00eavajoy\u00ea de, ji bo ferman d\u00fbbare nebin ketina tevger\u00ea ya raya gi\u015ft\u00ee di gir\u00eengiyek\u00ee jiyan\u00ee deye. Hik\u00fbmeta Iraq\u2019\u00ea, dewlet\u00ean herem\u00ea \u00fb dewlet\u00ean navnetew\u00ee p\u00eawiste stat\u00fb \u00fb heb\u00fbna \u015eengal\u2019\u00ea, v\u00een \u00fb \u00eeradeya v\u00ea ya xwecih\u00ee nas bikin \u00fb \u00e7areseriya ji bo \u015eengal\u2019\u00ea ne li dervey\u00ee \u015eengal\u2019\u00ea bigerin. Pol\u00eet\u00eekay\u00ean b\u00ea mirovkirina \u015eengal\u2019\u00ea, hedefgirtina \u00e7and, bawer\u00ee \u00fb civak\u00eeb\u00fbna gel\u00ea Ez\u00eed\u00ee ney\u00ea hedef girtin. Hi\u015fmend\u00ee, zaneb\u00fbn \u00fb xwe komkirina ku 12 salan de derketiye hol\u00ea, ji bo careke din belav nebe \u00fb civaka Ez\u00eed\u00ee careke din ji cih \u00fb war\u00ean xwe nebin, ji komk\u00fbjiyan derbas nebin, ketina tevger\u00ea ya herkesek\u00ee xwed\u00ee hi\u015fmendiya mirovahiy\u00ea ye, pir gir\u00eenge.<\/p>\n