Şandeya Endamên Parlamentoya Ewropayê serdana TAJÊ kir

Şandeya ku ji endamên Parlamantoya Ewropayê (PE) û Nûnerê DEM Partî yê Ewropayê pêk dihat serdana Şengalê kirin. Şandeyê bi gelek sazî û rêxistinan re hevdîtin pêk anin. Şandeyê her wiha serdana Tevgera Azadiya Jinên Êzidî (TAJÊ) kir. Şande ji aliyê endam û rêveberên TAJÊ ve hatin pêşwazîkirin.

Di serdanê de şande bi kurtasî sedema hatina xwe ya Şengalê kirin û piştre jî TAJÊ derbarê rewşa Şengal, jin û civaka êzidî, kar û xebatên TAJÊ û Rêveberiya Xweser de bi kurtahî agahî da şandeyê.

TAJÊ bi kurtasî ev agahî da şandeyê: “Destpêkê em wek TAJÊ bi hatina we, gelek kêfxweş bûn. Tevgera jinên Êzidî piştî fermanê bi hedef û armanca birêxistinkirina jinan girtina tola 74 fermanan hat avakirn. Me wek civakê xwe ji xweliya xwe ava kir. Em di nav qirkirin û fermanê de xwe ava kir. Em wek TAJÊ hewl didin pirsgirêkên jin û civakê çareser bikin. Piştî fermanê me hêza xwe ya leşkerî ava kir. Ji hêla din ve TAJÊ û Rêveberiya Xweser bi hev re valatiya ku piştî fermanê li Şengalê çêbû tijî dikin. Bi rastî kesên derve Şengalê baş nas nakin û tiştên ku li derve ji bo reşkirina Şengalê tê gotin dûrî rastiyê ne.

Endamên tevgera jin ên ku şande pêşwazî kirin di dema hevdîtinê de kêfxweşiya xwe parve kirin.