TAJÊ li dijî qetilkirina jinan bang kir
Beriya çend rojan cenazeyê Dr. Ban bi şêwazê hatî qetilkirin hat dîtin. Lê di nava demekî kin de ji hêla rayederên Iraqê ve hat îdiakirin ku Dr. Ban bi xwe dawî li jiyana xwe aniye. Lê ev îdia û daxuyaniya rayedarên pêywendîdar li kolanên Besrayê bû sedema hêrs mezin ku rayedarên pêwendîdar neçarê lêpirsînê bûyerê kir. Ji ber ku di laşê Dr. Ban de şopên qetilkirinê hebûn.
Li ser qetilkirin û kuştina jinan Tevgera Azadiya Jinên Êzidî (TAJÊ) daxuyaniyeke nivîskî belav kir û bang li hemû jinan kir ku li hember qirkirina jinan rabin ser piyan.
Daxuyaniya TAJÊ ya li ser bûyerê wiha ye:
“Wek tê zanîn li her derê kuştin û xwekuştina jinan heye û hikûmeta Iraqê yek ji wan desthilatdaran e ku li beramberî destkeftiyên jinan şerekî dijwar dide meşandin. Li Iraqê her ku diçê li hember jin bêedaletî, bêhiqûqî û zilm zêde dibe.
Di sala 2024’an de qanûna ku Iraq derxsit têde pir jinî, zewaca biçûk hebû ku ev li hember qirkirin û qetilkirina jinan gavek bû.
Her wiha her ku diçe li Iraqê ji aliyê desthlatar ve jin tên qetilkirin lê wekî xwekuştî tê îlankirin. Bûyera herî talî ku li Besrayê hat jiyîn qetilkirina Doktor Ban Ziyad Tarq yek ji wan kiriyarên hikûmetê bû. Rûxmî ku raya giştî ya Iraqê taybet jin bi encamê lêkolînê dadgeh nerazîbûn lê wek bûyera xwekuştinê ragihandin û ser dosyayê girtin. Her wiha tişta balkêş ew e her kesî ku ser vê bûyerê bertek nîşan didin tên cezakirin.
Jinên pêşeng tên hedefgirtin
Girêdayî vê bûyerê bi sedan bûyerên bi vî rengî ku rojane li Iraqê û her derê rû dide hene. Em tundiya li dijî jinan bi taybetî li hemberî jinên pêşeng û çalakvanan şermezar dikin. Kuştina wan, ne tenê êrîşek li ser jiyan û rûmeta wan e lê herwiha êrîşek li ser hemû civakê û têkoşîna ji bo mafên jinan e.
Jinên pêşeng di civakê de roleke girîng dilîzin û ji bo pêşveçûn û guhertinên erênî xebatên mezin didin meşandin. Kuştina wan ji bo bêdengkirina dengê wan û ji bo rêgirtina li têkoşîna wan tê kirin.
Gorî agahiyan doktor Ban yek ji wan jinan bû ku beramberî zilm, neheqî û bêedaletiya dewletê serî netewandibû, ji bo aşkerakirina hîn bûyerên kuştina jinan têkoşîn dida meşandin. Ji ber vê têkoşîna xwe doktor Ban ji hêla desthilatdar ve hat hedefgirtin û qetilkirin.
Pêwîst e hemû alî li dijî vê tundûtûjiyê rabin û bixebitin ji bo parastina jiyan û mafên jinan. Em daxwaz dikin ku kujerên van sûcan werin aşkerakirin, darizandin û cezakirin. Parastina jinên pêşeng, parastina paşeroja civakeke dadmend û wekhev e.
Lazim e hemû jin rabin ser piyan
Em bi taybetî bang li jinan dikin îro hêzên desthlatdarê qirker û kapîtalîst hember civak û jinan di nav kîneke mezin de ye û her roj li herderê bi rêbazên hovanan qirkirin û qetilkirina jinan di meriyetê de ye. Ji bo wê lazim e hemû jin rabin ser piyan û bi yekdengî bêjin na ji qirkirina jinan re.”